Kunnanvaltuusto

Kunnanvaltuusto oon se korkein päättävä orkaani. Se oon kunnan kansalaiset jokka äänestävät luottamusvalittuja kunnanvaltuusthoon. Kunnanvaltuusto toimii niinku kunnan "valtiopäivänä" ja ottaa kokohnaisvaltasia päätöksiä.

Kunnanvaltuusto valikoittee johtokunnat ja lautakunnat, jokka pitävät hoitaa jatkuvvaa työtä. Net johtavat ja yhistävät kunnan toimintoja ja valmistavat asioita kunnanvaltuusthoon.

Valtuustossa istuu 61 jäsentä, katto listaa kunnanvaltuuston jäsenistä, joka ottavat päätökset kaikissa suurissa kysymyksissä Luulajassa (sivu ruottiksi). External link.

Valtuustoa saatethaan sanoa olevan paikalisen tason vastaava valtiopäiväle. Kaikki kysymykset jokka otethaan ylös kunnanvaltuustossa oon valmistettu lautakunnalta ja kunnanneuvokselta.

Kunnanvaltuusto häätyy päättää kysymyksistä jokka oon prinsipielliä elikkä suuremasta arvosta kunnale, esim:

• Päämäärät ja suuntaviivat toiminalle
• Kunnan pytjetti, verot, taksat ja maksot
• Vuosireetuviisninki ja vastuuvaphaus 
• Lautakunnitten organisasuuni ja toiminta
• Vaali jäsenistä ja siihaisista lautakunthiin
• Mikkä revisorit pitävät tarkastaa kunnan toimintaa
• Ekonoomisesta korvauksesta polittisesti luottamusvalituile.

Kunnanvaltuustolla oon kokkoukset viimisennä maanantaina joka kuukausi. Kokkoukset oon auki ylheisölle. Sie olet tervetullu seuraahmaan niitä kuuntelialäktarilta joka kuuluu Kaupunkintalon sesunisalhiin.

Kunnanvaltuusto kokkointuu joka kuukausi (paitti heinäkuussa). Kuttumuksen ensi kokkoukseheen sie löyät täältä.