Kaupunkiarkiivi - stadsarkivet

Kaupunkiarkiivissa oon koottuna kunnan histuuria vuelta 1862 etheen päin. Se saattaa olla protokollat, rakenusluvat, kartat ja paljon muuta. Jos sie haet materiaalia joka oon nuorempi ko viis vuotta, kääny itheenkuhunki hallinthoon.

Alunperin oli kolme kuntaa: Råneå, Luulajan kaupunki ja Alaluulajan kunta. Vuona 1969 net lyöthiin yhtheen ja niistä tuli Luulajan kunta. Arkiivissa saattaa kansa löytää oman kotiseuvun histuuriata. Muun muassa koulupetykiä, rakenuslupariitinkiä, kunnanvaltuuston protokollia, ja protokollia muista lautakunnista ja johtokunnista.

Kaupunkiarkiivin kuvakokoelmat

Luulajan kunnan kuvakokoelma oon tulos Helmer Wiklundin 70-vuotis kokoelmatyöstä. Tänä päivänä kuvakokoelma sisältää rapeasti miljoonan valokuvvaa ja nekatiiviä ja met tehemä aktiivsti töitä ette tikitaliseerata näitä. Onkos sulla vanheempia valokuvia, nekatiiviä elikkä tiiakuvia Luulajan kunnasta, elikkä muuta tokymenttasuunia joka saattaa olla innostuksesta kaupunkiarkiiville ja sen kuvakokoelmille?

Ota mielelhääns yhtheyttä sähköpostin kautta elikkä telefoonila 0920-45 30 00. Met olema kiitoliset kaikista tipsistä kokoelmista elikkä yksityisistä valokuvista joissako oon mutivia Luulajan kunnasta.

Täälä on Luulajan kunnan histuurialinen kuva-arkiivi External link..